အကြမ်းမဖက်သောလမ်းစဉ်၊ မေတ္တာဖြင့်သာ ဖြေရှင်းကြဖို့လမ်းစဉ်ကို ယေရှုဘုရားမှ သွန်သင်ပေးခဲ့ပါတယ်။ လူသားတွေဟာ မိမိအတ္တ၊ ဒေါသ၊ မာန်မာန၊ အလိုကြီးရလိုမှုတွေ စသည်ဖြင့်တို့ကြောင့် အကြမ်းဖက်သော လမ်းစဉ်ကို ဆွဲကိုင်လျက် လုပ်ဆောင်ကြတာဟာ ကမ္ဘာကြီးကော၊ လူသားတွေရော အတော်ဝမ်းနည်းစရာများနှင့် ဖြတ်သန်းနေရကြပါပြီ။
ယေရှုဘုရားက ဒီလို မိန့်ဆိုပါတယ်
" ကိုယ်နှင့်စပ်ဆိုင်သောသူကို ချစ်လော့။ ရန်သူကို မုန်းလော့ဟူသော ပညတ်စကားကို သင်တို့ ကြားရပြီ။- ငါပညတ်သည်ကား၊ သင်တို့သည် ကောင်းကင်ဘုံ၌ ရှိတော်မူသော သင်တို့အဘ၏ သားဖြစ်လိုသောငှာ၊ သင်တို့၏ရန်သူတို့ကို ချစ်ကြလော့။ သင်တို့ကို ကျိန်ဆဲသောသူတို့အား မေတ္တာပို့ကြလော့။ သင်တို့ကို မုန်းသောသူတို့အား ကျေးဇူးပြုကြလော့။ သင်တို့ကို နှောင့်ယှက်ညှဉ်းဆဲသော သူတို့အဖို့ ဘုရားသခင်ကို ဆုတောင်းကြလော့။- ရှင်မဿဲခရစ်ဝင် ၅:၄၃-၄၄"
ယေရှုခရစ်ဘုရားက ကမ္ဘာပေါ်ရှိလူသားတိုင်း စိတ်လက်အေးငြိမ်းချမ်းသာစွာဖြင့် ရှင်သန်ဖြတ်သန်းကြဖို့ကိုပဲ လိုချင်တာပါ။ အခုက လူသားတွေက အကုသိုလ်တွေပြုလုပ်ကြ၊ အတ္တတွေကို ရှေးတန်းတင်ရင် လုပ်ဆောင်ကြလေတော့ ကမ္ဘာကြီးဟာ နေမကောင်းဖြစ်နေပါပြီ။
ယေရှုဘုရားဟာ အကြမ်းမဖက်သောနည်းလမ်း၊ မေတ္တာလမ်းစဉ်ကိုသာ လျှောက်လှမ်းကြဖို့ကို ယခုဘ၀အတွက်သာမက ၊နောင်ဘ၀အတွက်ကိုလည်း သူကိုယ်တိုင် လုပ်ဆောင်ပေးခဲ့ပါတယ်။ ယေရှုဘုရားက ဘာတွေလုပ်ဆောင်ပေးခဲ့လည်း ဆိုတာကို သိလိုပါသလား။ ဆက်လက်ကြည့်လိုက်ရအောင်။