"စွဲလမ်းမှုများကို ကုသခြင်း"

ရှင်ပေါလုက သူ့ရဲ့ဆိုးရွားတဲ့အသေကောင်ဘ၀ကနေ ကယ်တင်ပေးနိုင်သူကို သူတွေ့ရှိခဲ့ကြောင်း အခုလို ပြောပြပါတယ်။ 

“ငါတို့အရှင်သခင် ယေရှုဘုရားအားဖြင့် ကယ်ဆယ်ကူမတော်မူသော ဘုရားသခင်၏ကျေးဇူးတော်သည် ကြီးလှစွတကား” လို့ ဆိုပါတယ်။ 

ပုံမှန်အားဖြင့် ဒီလိုစွဲလမ်းခြင်းနွံထဲနစ်မွန်းနေသူတွေကို သူစိမ်းတွေမဆိုထားနဲ့၊ ချစ်ခင်သူတွေကတောင် ငြိုငြင်တတ်ကြတာ သဘာ၀ပါ။ ဒီလိုအခြေအနေမှာ ကိုယ့်ကိုယ် ချွင်းချက်မရှိ ကြိုဆိုလက်ခံပေးတာဆိုလို့ ယေရှုဘုရားပဲ ရှိပါတယ်။ 

ယေရှုဘုရားပြောခဲ့တဲ့ စကားတစ်ခွန်းရှိပါတယ် “ကျန်းမာသူတွေက သမားတော်တွေကို မလိုအပ်ဘူး။ မကျန်းမာ နာနေသူတွေပဲ သမားတော်ကိုလိုအပ်ကြတယ်။ ဖြောင့်မတ်သူတွေအတွက် ငါလာခဲ့တာမဟုတ်ဘူး။ အပြစ်ရဲ့အမှောင်ထဲမှာ ပိတ်မိနေသူတွေအတွက် ငါလာခဲ့တာဖြစ်တယ်”လို့ ဆိုပါတယ်။

 ယေရှုဘုရားရဲ့စကားက အစဉ်အလာအရ ကျွန်တော်တို့ ကြားရလေ့ရှိတဲ့ ‘မကောင်းသူပယ်၊ ကောင်းသူကယ်’ဆိုတဲ့ စကားနဲ့ ဆန့်ကျင်ဘက် ဖြစ်ပါတယ်။ 

သူကြွလာခြင်းရဲ့ ရည်ရွယ်ချက်ကိုက မကောင်းသူကို ပယ်ဖို့ မဟုတ်ဘဲ၊ ကယ်ဖို့အတွက် သက်သက်ဖြစ်တယ်လို့ နားလည်ရပါတယ်။ သူ့ခေတ်အခါတုန်းကလည်း လူတကာပစ်ပယ်ထားတဲ့ Social Outcasts တွေကို ကြိုဆိုခဲ့တယ်၊ လက်ခံခဲ့တယ်၊ နွေးထွေးမှုနဲ့ ဘ၀သစ်တစ်ခုကို ပြန်ပေးခဲ့တယ်။ ဘယ်သူမှ မပေးချင်/မပေးနိုင်တဲ့ နွေးထွေးမှုတွေ၊ ချစ်ခြင်းမေတ္တာတွေကို ရက်ရက်ရောရောပေးပြီး လက်ခံခဲ့တယ်။ 

အခုထိလည်း သူဟာ ကြိုဆိုလက်ခံနေဆဲဖြစ်ပါတယ်။ အခြေအနေသတ်မှတ်ချက် မထားဘဲ ချွင်းချက်မရှိ ကြိုဆိုလက်ခံပေးနိုင်သူ/ပေးနေသူ ဖြစ်ပါတယ်။ ဒါကြောင့် ဒုတိယအချက်အနေနဲ့ တုနှိုင်းမဲ့မေတ္တာရှင် ယေရှုဘုရားဆီကို ခြေဦးလှည့်လာဖို့ လိုအပ်ပါတယ်။ 

ယေရှုဘုရားဟာ Religion ဆိုတဲ့ ဘာသာအယူဝါဒတစ်ခုကို တည်ထောင်ဖို့၊ အယူအဆတစ်ခုကို မိတ်ဆက်ပေးဖို့ မြေကြီး ပေါ် လာခဲ့တာ မဟုတ်ပါဘူး။ 

ရင်းနှီးမှုဆိုတဲ့ Relationship ကိုတည်ဆောက်ဖို့လာခဲ့တာ ဖြစ်ပါတယ်။ ရင်းနှီးကျွမ်းဝင်မှုကို တည်ဆောက်လိုရခြင်းအကြောင်းရင်းကတော့ ချစ်လွန်းလို့ပဲ ဖြစ်ပါတယ်။ ချစ်ခြင်းမေတ္တာကိုအခြေခံတဲ့ ရင်းနှီးကျွမ်းဝင်မှု မှာ အသွားအပြန်၊ အပြန်အလှန်ရှိပါတယ်။ ဒီလိုချစ်မေတ္တာရပ်ဝန်းမှာ တည်ဆောက်ထားတဲ့ရင်းနှီးကျွမ်းဝင်မှုမှာ Power စွမ်းအားရှိပါတယ်။ 

မလုပ်နိုင်တာကို လုပ်လာနိုင်အောင် ကူညီပေးတယ်။ မပေးနိုင်တာကို ပေးနိုင်အောင် ကူညီပေးတယ်။ အရင်နဲ့မတူတဲ့ ရဲရင့်မှုတွေကို မွေးဖွားပေးတယ်။ 

အနစ်နာခံမှုတွေကို အလိုအလျောက် ဖြစ်ထွန်းစေတယ်။ ဒါဟာ အတွင်း ကနေ အပြင်ဘက်ကို Inside-out ပြောင်းလဲပေးခြင်းမျိုး ဖြစ်ပါတယ်။ ယေရှုဘုရားရဲ့ချစ်ခြင်းမေတ္တာကို နှလုံးသားထဲကနေ ခံစားမိလာတဲ့အခါ ကိုယ်ပျော်မွေ့တဲ့အရာ၊ တောင့်တလိုချင်တဲ့အရာတွေက အလိုလိုနဲ့ တဖြည်းဖြည်း ပြောင်းလဲသွားကြပါ တယ်။ 

ဒီချစ်ခြင်းမေတ္တာရပ်ဝန်းမှာတည်ဆောက်ထားတဲ့ ရင်းနှီးပျော်ရွှင်မှုဟာ အမှောင်အင်အားစုထက် အဆပေါင်းများစွာ တန်ခိုးကြီးမားတာကို လက်တွေ့ခံစားရသူတွေလည်း အများကြီးရှိပါတယ်။ 

ဒီနေရာမှာ သိမှတ်ထားဖို့အရေးကြီးတဲ့အချက်က ‘ရုန်းထွက်လွတ်မြောက်ခြင်း၊ ပြောင်းလဲခြင်းက တဒင်္ဂအတွင်းမှာ ဖြစ်လာ နိုင်ပေမယ့် ဒီအရာကို ဆက်လက်ထိန်းသိမ်းနိုင်ဖို့ အချိန်ပေးဖို့ လိုအပ်တယ်’ဆိုတဲ့အချက်ပဲ ဖြစ်ပါတယ်။ လုံး၀ရုန်းထွက် လွတ်မြောက်သွားနိုင်ဖို့  ဘ၀ကိုအသစ်တဖန်မွေးဖွားခဲ့တဲ့ ဘုရားရဲ့ချစ်ခြင်းမေတ္တာရပ်ဝန်းမှာ ပျော်မွေ့နေထိုင်ဖို့ လိုအပ်ပါ တယ်။